रंग मत डारे रे सांवरिया,
मारो गुर्जर मारे रे,
रंग मत डारे रे….
में गुर्जरी नादान,
यो गुर्जर मतवालों रे,
रंग मत डारे रे,
रंग मत डारे….
होली खेले तो काना,
बरसाने में आज्ये रे,
राधा और रूकमण ने,
सागे लेतो आज्ये रे,
रंग मत डारे रे,
रंग मत डारे….
घर मत आज्ये रे काना,
सास बुरी छे,
नंदुली नादान माने,
बोलिया मारे रे,
रंग मत डारे रे,
रंग मत डारे…..
सास बुरी छे मारी,
ननंद हठीली,
परनियो बेईमान,
माने नित मारे रे,
रंग मत डारे रे,
रंग मत डारे….
चंद्र सखी भज बाल,
कृष्ण छवि,
हरी चरना में,
मारो चीत छे रे,
रंग मत डारे रे,
रंग मत डारे….
