(तर्ज : सावन का महिना)
चेतका महिना गवरल पूजणरो कोड
चालो ऐ सखियाँ आपा पूजा गिणगौर
सोला दिन तो पूजा ओर दस दिनका कोड चलो
अजमेर सु गवरल आई
जयपुर में गाव धूम मचाई
सबका घरे वासो लियो है गिणगोर चालो ॥
गवरजाने में पाटे बितवा
कुमकुम चावा और फुलडा चढवा
गंगाजल दुर्वासु आपा पूजा गिणगोर ॥
आज तो ग्यारसको दिन आयो
इसरजी गवराजीने लेवण आये
तीज के तो पेला भेजा वत्रेनी गिणगौर ॥
तीजा का दिन घणा वेगा आया
इसर गवराजीने खूब सजाया
जोडी सु तो थाकी पूजा करा गिणगौर ।।
इसरजी गवरजाने लेकर जावे
सखियाँ तो सारी मंगल गावे
आवत्ता चेतों बेगी आईज्यो गिणगौर चालो ॥